ياميت خُساره
وياميت خُساره على الضمير لو مات
لما الشيطان يدخُل مابين لــِــ اخوات
الكُـــره يمشى فى النفوس مسافات
والحب يصبح فى عِداد لـَـــــ اموات
لما الرضا يوم بعد يوم بيقل
لما القلوب تصبح صوامع غِل
العدل يفقد سلطتُه ويغيب
والظلم يفرض كلمتُه ع الكُل
إخوات على هيئة بشر
والدم واحد فى العروق
بس القلوب زى الحجر
والحقد لابد فى الشقوق
الخير على ايدين الغريب
طاقة أمان وحنان وود
والشر بإيدين القريب
زى الطوفان بيهد هد
صلة الرحم اتقطعت أشلاء
والإسم إخوه لكنهم أعداء
نار العداوه إيه ح يطفيها
ومفيش دوا ينفع ولا ترياق
وياناصب لــ ابن ابوك الفخ
ياشايل فوق ذنوبك ذنب
ياجاهل معنى كلمة أخ
قِدرت ازاى وجالك قلب
كلمات / سامى النويهى
ليست هناك تعليقات:
إرسال تعليق