(..البرواز..)
وكام معزوفه بلحن حزين
وكام صوره بدمع في بروزها
وكام حلم مع غيرك وحلمك نفسه عايزها
وكام امنيه مصدومه تقول يامعين
وكام جرح بتعيشه واخره معلشي
وناس في عتبها ما تعرف تقول اسفين
في وشك حضن وبوسه وغلافها بميه اسفين
وناس في الشده بتعوزها
وناس تفرح بمكسبها...بفوزها
وناس متشفش غير بوزها
ابص في الصوره والبرواز
اشوف ناسها علينا عزاز.
وبدمع..
وتسألني بكلام يوجع
لساك باقي علي الدنيا..وعلي ناسها.
والناس حفره ميه حفره لوسواسها
وعيشه آهات بتتوجع
يواد..ارجع
ماخدنا.. منها ولا حاجه غير الطيب
ولا روحنا منها محتاجه غير.الطيب
شيفينك...حسينك....احضن في قيمك.وفي دينك
ودوس علي تراب الدنيا
وادعي لل..فيها .....معندينك
ليست هناك تعليقات:
إرسال تعليق