) بياع كلام(
ياعم يابياع الكلام
بكام الكلمه بتبعها
وكام حرف.ف الكلمه
وكام كلمه يتبعها
وهل حرفك مالي هدومه
ولا جمل توزعها
ولاحامل حاجه جواه
ومعني في بطنه مانعها
انا كل ماقلب في حروفك
الاقي المعني ودعها
هو الخوف مالي قلبه
وحكايه حالف مايزعها
وكام كلمه بشبكها
اشوف الصفحه ماتسعها
هي حروفك فرت وبس
خايف من قصه هايشعها
هاود وبيع كام كلمه
وسيبنا نعيش في معامعها
طب ادينا جمله كام جمله
نرص سطور..... نجمعها
تقول حكمه تقول بسمه
تكون نسمه وكل الدنيا
تسمعها...
وان ماتت ليها واجب
نقوم
بتكفينها ..وتوديعها
.
ليست هناك تعليقات:
إرسال تعليق