اضحك ..للصوره
اضحك هاناخد الصوره
اضحك
بدام .. البسمه ميسوره
ولو النفس ....مكسوره
رودها ..عودها. .تقف في عز الشمس
وفكرها ان فيه بكره
وراح الامس
واضحك .. تضحك لك.. الصوره
هونها ..لونها ارسمها علي السبوره
وارسم في عيونك البسمه
وحتي ان غابت ...القسمه
وشح الدفا وغابت النسمه
وان عزت عليك نفسك........عديها
دوس علي نفسك وداديها
وخلي معاك كام رسمه
تلونها..تزينها....تجملها
بس حملها.....امانه الحلم
والاه جواك اكتمها
لجمها...... حجمها
وكلفتها في لفه حزن لملمها
ولو الدمعه محصوره
في... قاع ....الجوف
ولو رمشك قابل رمشك
برعشه خوف
ولو عينك عصياك
مش عايزه تشوف
ولو صوتك هرب منك
وللكلمه بقي ..ملهوف
صحي ضميرك
ها.يدل. ك
وخليه قريب ومن خلك
لايبيعك ولا يضلك
سعتها هناخدلك الصوره
بنفس راضيه ...مسروره
واضحك.ههههه........
وعجبي!!!
محمود عفيفي
ليست هناك تعليقات:
إرسال تعليق