(سياده القاضي ) ٣٧
سياده القاضي
والله بحكمك انا بيه راضي
طمعي ف عدلك
يبقي... منايا
حرفي ماركبش لجنحه
ولاهوب نواحي جنايه
ده حرفي ماسك ف طرفي
ماشي جنبي وف ضلي ورايا
هو عارف سطره فين
وحبره ساكن ف الدوايا
ويكتب باختصار وعارف
و ايه ساكني م نوايا
يعني احبك
اكتب اني يوم هويتك
لو كرهتك
اكتب يارتني ماريتك
وروح وغادي
اصل انا ياسياده القاضي
من غير اي حشو فاضي
ع اقوالي باصم و ماضي
ودوغري قولي مش جديد
يعني فارق.... روح بعيد
يعني قرب.. اكون سعيد
دون زواق ولا. بجيد
وع الأصول ماشي وماحيد
يعني كل البساطة ساكنه
واقول وابرطم باي لكنه
بحري كان او م الصعيد
وسط اهلي وسط ناسي
فرح كان او كان مآسي
وضهري ع حيطهم راكنه
وان قالوا عواف... تحيه
ارد اقول الله يعافيكم
م كل شر الله يجافيكم
وعايش وبعيشتي راضي
عمري ما قدمت شينه
ولا كنت بشر بادي
وانا سياده القاضي...
حد عادي
جي من وسط العمار
وسط حاره... والف دار
وسط زرعه . وبير وترعه
وسط مش قلب زلعه
وسط تار وضرب نار
ويا.. شومه واقفه شرعه
جي وراكب للحمار
ماشي بيا.. ع القنايا
وقبلها ع حد غيط
عارف السكه لوحده
ولولاه والله ماجيت
عدي ركيه ونار وولعه
كان شايل ع ضهره حرفي
وحرفي ساكن ف وريدي
بس انا طمعان ف كرمك
تأمر للغفير هويدي
وياسلام ...تكتب بقلمك
يحلني ..ويفك. قيدي
قولت قولي وع كله ماضي
ودي اقوالي... ياقاضي
راضي حكمك والله راضي
ليست هناك تعليقات:
إرسال تعليق