عرضحالجي.!!! ٣٤
كتبت لناس كتير طلبات
ومين يكتبلي انا طلبي
انا المدعو ..بني ادم
بسيط جدا وقول شلبي
عرايظ كل يوم بكتب
ذنوب غيري مع ذنبي
بقيت نكره بقيت زومبي
زادت اوجاعي ميت جيجا
وببرطم... تقول لمبي
وتقلت م الهموم شيلتي
وشكاوي و نفسها حالتي
وانا مني يدوب فاضل
و ميزاني صبح تلتي
وحرفي صم لدباجه
بقيت ف الدم ونسيرتي
من ساعه مادقوا الهون
يدوب عيل لابس شورتي
وانا تايه بقي مني
ملامح تانيه ف صورتي
راح ادبسها ف طلباتي
واكتب كنت يوم كائن
ونفس الاوره دي اورتي
واختمها بدعا ليهم
داعمها بدمي واورطي
وكام ورده راح ارسمها
وأوصف ف الحروف حيرتي
ولوجابت نتيجه نويت
تعم الفايده اقسمها
ع كل ال ليه طلبات
غريب او حتي من جيرتي
وفطفطلي حكالي وحاط
وشبك شكوته فيا
لزق امله ف توبي وخاط
وبقت ف رقبتي مرازيه
وزادت المر ف مرارتي
يارب عريظتي تيجي بفايده
مايلهفها ...غراب اسود
ومايوقفها ميت وطواط
واتحسر انا وغيرتي
واسمع يوم ينادو سرجي
واستني يقولوا مرجي
ومش فارق ابقي... حكيم
.او ينادوني ياتمرجي
وكفايه السيره ومسيرتي
......وعرضحالجي
ليست هناك تعليقات:
إرسال تعليق