...وااااااااه!!! ٤١
رغم أن رصاصه خابت
مني تاهت مني هابت
خيبت وماجتش فيا
طالعه طايشه من جبان
خوف مليها.. ومش عفيا
جت ف اخويا ال كان ف كتفي
بس ليه كات مصطفيا
جت ف قلبه وفيا عابت
اصله كان لا بس كوفيا
كل نور راح غاب ف عيني
لما قالت مكتفيا
شمسي غربت مني زامت
كشرت ماضحكت ف وشي
فين رجولتك ليه مادامت
هجرت ومازارت لعشي
بس انا ماكنش ذنبي
ذنب كل رصاصه عاميه
للرجال نقت وطابت
قتل والسكينه حاميه
من رجال شايله لروحهم
ع الكفوف وعزيمه طوعهم
كل دم سال من جروحهم
هزت ال كان عمره ثابت
حب كان مالي الاخوه
نبض كان ف القلب واحد
دمي بدل كل قطره
فاكر كل قلب جاحد
ال سابني وسط غرقه
ولا دق مسمار لفرقه
وال شافني يوم بكايا
ضحكته جابتله شرقه
الشهاده مش نصيبي
بس ده والله ماعيبي
والرصاصه ال عني جلت
وجت ف اخويا وعني ولت
بكره ترجعلي بندمها
بكره تيجي تقولي اسفه
خلق باعك وماعمره يصفي
سمعت قولها والف كسفه
قولها للعروبه ناسفه
وااااااه ياغزه.!!!
ليست هناك تعليقات:
إرسال تعليق