( ليه حويط. ) ٤٠
ليه حويط
ليه بشوفك ف الحديت
بير غويط
الكلام. بتعيد تشف
والحروف رعشه ترف
والسكوت ولعه ويشيط
ليه حويط
جي وعادد للخطاوي
جي ولا انت هاوي
تسمع للعذاب تشوفه
تجدله تخليه غناوي
بس غاوي والله سيط
ليه حويط
ليه تلف. وليه تدور
ضحكتك ليه زيف وزور
ليه مخلي. الدنيا بور
وكل جريك اخره تيت
ليه حويط
تشتكي الوحده وتحكي
تظهر. الضحكه. وتبكي
تيجي تفرح تجري تشكي
بس ف الندب تزيط
ليه حويط
الحياه واخدها عافيه
والكلام لازمه وقافيه
الهموم جايه بكافيه
وانت بتسلم عبيط
ليه حويط
الحياه محتاجه واقفه
يوم فرح ليه الف سقفه
مش هناخد. منها شقفه
والفرح ملوش وسيط
ليه حويط
ليست هناك تعليقات:
إرسال تعليق