اصحى وفوق
..................
روح ياغشيم
داهيه تغمك
دى لا أرضك
ولا ارض امك
عايز تقطع وتقسم
قسم وقطع
ورث امك
..
ايوه إحنا جد طيبين
وبنكمل عشانا نوم
بس من أهل اليمين
ننسى ف الجد الهموم
سمانا تتحول غيوم
وابابيل تقاتل أى بوم
وأرض من واحة سلام
لاسود بتنهش ف الخصوم
..
واللى يعادينا ياويله
نجيبه بلبوص من ديله
إلا الارض ياحيلتها
مهو قلك
إللى يجى ناحيتها
من وش الأرض نشيله
انا
لا تحت باطك ولا كمك
ولا تضمنى ولا اضمك
عايز تقطع وتقسم
قسم ياابو طاطا
فى ورث امك
يا...............؟
محمد وحيد
ليست هناك تعليقات:
إرسال تعليق