ليه بس خدني!!! ٣٨
كان مد ايده ليه وخدني
وليه شاورلي وليه هاودني
دانا كنت باعد ف حالي قاعد
مداري شوقي عنه باعدني
وكنت غارق ام جه ساعدني
بطرف شاله حدفه ورادني
لكن لهمي بهم زادني
وكنت عايش راضي ومرضي
راضي بنصيبي ومصلي فرضي
زارع ف كل شبر وردي
زاين لروحي طارح ف ارضي
صبح سلامنا ع ورقه بردي
ياريت ما شافت ليه عيوني
وياريت ما سمعت بحرفه ودني
خد ني رماني ف بحر شوقه
لكنه سابني ولامنه عادني
طب كان يروح ولاعطره فوح
طب كان يوسع بعيد عن طريقي
احتار سؤالي
هو خيالي ولا حقيقي
ولا بشاله شاور وطوح
انا كنت ماشي كنت مروح
ليه خياله زارني وليه راودني
وسقاني كاسه وراح وبوح
وشوقي قاتل عمال يكيدني
وأسأل ف روحي
ليه مد ايده وليه بس خدني
ليست هناك تعليقات:
إرسال تعليق