يابتوع القمة*
............
لاسمح الله
مش هانّخ
..
لاسمح الله
مالناش اخ
..
الواد الصايع مطمن
بالصمت العربى
ومتأمن
فى عيالنا بيقتل
ويطُخ
لا سمح الله
مالناش اخ
..
يا اهل القمه
اتلميتوا
شجب وندب
وكفته وطرب
..
عمر كلامكوا
ما وقف حرب
وإكراماً ليكوا
زاد الضرب
..
ولا خاوفتوا
ولا هتيتوا
زى مارحتوا
زى ما جيتوا
وكأن الطير
على راسكم
ر خ
لاسمح الله
مالناش اخ
...
وماحدش
حمر عينه
وغار على عرضه
ودينه
أو قاله كلمه تدينه
أو حتى ياراجل بخ
لا سمح الله
مالناش اخ
..
طب طرد سفير
أو قطع علاقه
أو أى هتش
ونتش ً وجخ
لاسمح الله
مالناش اخ
..
هو الخوف
طبعاً ع الكرسى
وترسى المركب
زى ما ترسى
وانسى حكاية
اخ واخ
من عندنا
ما هتسمع طخ
لا سمح الله
مالناش اخ
..
ارض العزه
مش هاتنخ
ارض العزه
طلعت فخ
مين بيماطل
مين بيفاصل
مين بيناضل
حق وباطل
ومين ف خزاين
بايدن ضخ
لا سمح الله
مالناش اخ
..
قاعدتوا حكيتوا
بدم اخواتنا
اتغديتوا
.
شجبتوا اكيد
واستنكرتوا
.
ريحتوا ضميركوا
اتعشيتوا
.
كالعاده نينا
اتغطيتوا
ناموا وكخخخخخخ
لا سمح الله
مالناش اخ
..
إللى مخوفكوا
ماخوفناش
وإللى راعبكوا
مايرعبناش
مهما خزلتوا
مش هاننخ
لا سمح الله
مالناش اخ
..
انا مش محتار
بين جنه ونار
مين ع الحق
ومين غدار
مين العبد
ومين سنوار
المجد بيسعى
للاحرار
ليهم الفخر
وليكم العار
المشدود
ف زمنكم رخ
لا سمح الله
مالناش اخ
لا سمح الله
مش هاننخ
******..........******
محمد وحيد
ليست هناك تعليقات:
إرسال تعليق