( النخيل. )
ياطمي فين راح نخلك
وفين طرحه ع جريده
منيش شايف غير لبلاب
قاطف للعنب وعناقيده
محصور النخل من الاسوه
مقطوع لجدوره ووليده
ولبلاب لافف لكل اخضر
لا ده وقته ومواعيده
مزاحم النخل ف العيشه
وبخ السم ف وريده
واقف النخل بيتمايل
صالب قصاد الريح طوله
ولبلاب ماسك جدره
عاوز يثبت لمفعوله
وناسي انه متسلق
وعاوز يثبت لنا قوله
ونخل واقف وبيدمع
خايف م الهم لا ينوله
وصوت دمعه عالي مسمع
ومين صاحبه ومين غوله
دموع النخل انا شايفها
وعدي حول ع حوله
بنادي عليه يانخل اثبت
خوف ملكه صاحب هوله
مازارك الريح لكام نوبه
وكان ماسك لمسلوله
وبكره نحش لبلابك
وهم يروح ولا نعوله
يقول.حرمت وخلاص توبه
حزين نغمه وارغوله
بقلمي/ محمود عفيفي دومه
ليست هناك تعليقات:
إرسال تعليق