مع اني باكبر
واكبر واكبر
لكني حاسس
وكاني لسه
شاب صغير
وبحب الدنيا
وبحب الناس
بافرح واطنطت
وازقطط ..
واعمل من
حزني مداس
واعشق واحب
واسيب الحب
في قلبي يدب
واكتب اشعار
ولو اسودت
الدنيا في وشي
عمري ما بانهار
وشعاري في الدنيا
مسير الليل
مهما طول
ها يطلعله نهار
وارسم بسمه
في وشوش الناس
حلوه الدنيا
في وشوش مبتسمه
حلو الاحساس
مع اني ..
يوم عن يوم باكبر
لكن قلبي
لساه صغير
بيحب الدنيا
ويحب الناس
شعر : احمد المرشدي
25 نوفمبر 2024
ليست هناك تعليقات:
إرسال تعليق