شمس
والله يابني مشواري كله
كان ساكنه شمس
مفهوش لاراحه ولا استراحه
ولاحتي ضله وكله طمس
كنت ف طريقي ماسك اليمين
شادد حزامي باصص امامي
والقول امين ...
مع اني غارز.غرقان لشوشتي
مش بس غمس
وكان شمالي يسبق خيالي
سريع بيوصل قبلي بسنين
ورغم الطنين
وانا لسه ماسك حارتي اليمين
وبسمع لراديو وصوت قانون
عارف لواجبي كاتم لشجبي
مطبق قانون
كان املي لقمه وشوقي فرح
او تبقي هيصه مع نار كانون
ابشبش لحالي واخد مجالي
و افرح وازيط واشرب لمون
ونعم بعيده وكلمه سعيده.
ممنوع عليا حتي للمس
وكنت ببني وعلي وابني
والله يابني مشواري شمس
لا ليا ضهر ولافيه مظله
واخري حله وطموحي قله
وكنت عايش بذكري أمس
حلمي وقيه او حتي رطل
او نص دنيا وكان طموحي
اخدلي سطل
واعيش وامشي او حتي احجل
واعرج ف حلمي و يصيبه عطل
وكنت بدعي ف كل شمس
الزم يميني...
ابن الابالسه..ال معاديني
يطفي لنوره ال عميني
واشوف واعدي وامشي اهدي
وينوبني خمس
أحلم ببكره لو حتي ذكري
وأذكر لأمس
اسمعني يابني وافهم حروفي
لو حتي همس
والله يابني. ماشفت ضله
ولا حتي طله ومنابي خله
مشواري طول.والشيب جه غول
والباقي كله مابينله شمس
بقلمي/محمود عفيفي دومه
ليست هناك تعليقات:
إرسال تعليق