(.ابو الريش.)=١٤٢
يابو الريش ان شا الله تعيش
وامسك حلق يابه.... درويش
جاني الواد ....وهاسميه بكره
ردوا ...وقالو...... بكره مفيش
يرضيك كده ...يابا... درويش
يعني انا...... محروم م الخلفه
واول خلفه تروح ...ما تجيش
اجري اترجي واقول ده ضنايا
يردوا عليا ...ازاي.... هايعيش
وامسك فيه واقوله ف عرضك
يقولي اتكلم يواد بشويش
اشكي ياريت حد يسمعني
ومايكون الرد ..بالطتنيش
طب يرضيك كده يابا درويش
ده ما صدقت... الواد انه يجي
ده انا غنيتله.. يابو الريش
ورفعت يدي ...لربي حامد
واترجاته ان شا الله تعيش
طب فين بكره ..!!
هو صحيح .مشي.. مقليش
ولا ماعجبو العيشه بتاعتي
ديله في سنانه ومبيجليش
ندرين ان جالي.. وريح بالي
ل ادفع لل .يجيبوا بقشيش
واجري وافرق ..الفول نابت
مش لوحده ...لا معاه عيش
بس يجيني الواد ده بكره
وانا من بكره ابدا تحويش
وهاربيه احسن تربيه
هو لوحده وليه مخاويش
لجل... يلاقي نومه ولقمه
وما يبعد عني وميسبنيش
اصل بكره ...املي حبيبي
بحلم بيه وانا بيه درويش
..........واغنيله
يابو الريش ان شا لله تعيش
ليست هناك تعليقات:
إرسال تعليق