(صرخه وداع )=١٥٤
آه... لو بس ..ترجع من هناك
اه لو بس تشاور... من الثبات
كنت أفضل صاحيه لو سنين
لاعين تغمض... ولا يوم تبات
لو بس ساعه... و اكون معاك
لو... بس تيجي
لو.. بس اشوفك
ابوس عيونك
المس كفوفك
كان يبقي حضني بألف حضن
وكل حياتي حاضنه لكونك
بقيت.هناك وانا جوه سجن
واشوف خيالك
ف رسمك ولونك
واشم و احضن هدمتك
واجري وادور ع بنطلونك
والفوطه ال لمست يوم عيونك
والفرشة والازازه ال فيها ريحتك
طب ما انا كام مره صراحتك
كنت اقولك سبيلي دي فيها ريحتك
كنت اقولك.... يادمك
وكتمه ال جوايا ....يا قلب امك
كنت حسه ...بس اقولك...تعالي حضني
كنت تجري وتشقلب تاخدني
وتسعدني وده ال همك
وآه... ياريته قبلك خدني انا ..قبل مالمك
هبقي ألملم كل قصقوصه رمتها
هتلاقيني عاشقه ليها ....حبتها
بس ارجع ساعه واحده
..........ورد تاني. !!!
ارجع بقي ..عارفاك مش اناني
شوفني مالي....... وايه جرالي
لما ابص ع المكان وعنيه تلقاه فاضي وحزين
يبقي ....مين..!!..
يبقي مين ال كان هنا .
مبقتش عارفه ان كنت.انت ..ولا انا
دي كل حاجاتك هنا ومكركبه
مكانها حضني وتبقي مني قريبه...
ودي المخده منامك والمرتبه
هنام .هنا.....لا مش.. انام هنا
هاسيبها زي... ماهيه مكركبه
بقيت خلاص بحبها كلها بحطه اديك ..الطيبه
........ومش مهم تبقي مرتبه
ليست هناك تعليقات:
إرسال تعليق