زجلية تحت عنوان:
فروج فرنسا***
يا فروج فرنسا ...
رْسَا
مالك زربتي على بلادي
طلعتي للجبل ؤنكرتي مرادي
ؤ وليتي سوسة ؤ ضرسة
اليوم نخبرك باش تفيق ؤ تفهم
عساك ترجع لصوابك ؤتحشم
فلولا جدادي لبقيتي للنازية عرسى
ذوك لي بدمهم وارواحهم فكوك
دحروا الجيش الغازي ؤ نصروك
ؤ عوض تشكر ؤ تعترف عفستي عفسة
الا نسيتي انا نذكرك
ذوك لمراركة هما لزينو ذكرك
بناوك بعرق الجبين ؤ دستيهم دهسة
نكار وليتي ؤ شوهة
بل مدفع موجه لمول الخير ونارو ف لفوهة
غرك حالك ؤ ل حررك زدتيه فقسة
فيا فروج فرنسا ..
رسا
بجوج وجوه ؤفين م مشيتي داوي
ياك نت من دعاة لحق او غ تناوي
ولفتي لبزولة لفابور وتعمار الطحشة
اليوم نت ل خاصك ترد م دتي
نهبت لأراضي ؤ ملكتيها لي بغيتي
راجع وراقك ؤ تعلم من الدرس ؤ ترسا
رسا
يا فروج فرنسا
ذاك لي دار فيك الخير اياك تنساه
ساعدوا يكبر حر يعيش بهواه
لا تحط لو عصا في رويضة...
لا تربطو بسلسلة
فتذكر ان بدم جدادي بلغتي الاستقلال
تحررتي من الهيمنة ؤذل الرجال
فنوض طلب لعفو والسماحة ...
عيق ؤ رسا
ولا تقسى
*** الزجال والشاعر أحمد الكندودي*** المغرب ***
ليست هناك تعليقات:
إرسال تعليق