ليه؟!
الظلم في بلادي
موجود وبزيادة
موقوت وليه مواعيد
وبيجي كالعادة
لا بيترك الأيام
ولا حتي يسمعنا
دايس طريق سكته
مسنود وليه ريادة
ولا شوفنا يوم وحدته
ولا حتي يوم حزنه
بيقوي فينا الخوف
والجبـن لا شهادة
معروف مابين الناس
و لا خَلْـق تسمعنا
قاموس في دنيا الشرور
وبتعبده عبادة
الظلم في بلادي
معروف وليه معنى
لا بـيـنـتـبه لينا
ولا حتي يسمعنا
لا بيرتأي غيره
ولا حس أوجعنا
بتغطرسه الأيام
يكبر طاوي ظروفنا
وإن رحت يوم تقنعه
ولا حتي بيشوفنا
عارف طريقه منين
وبيبلغ المقاصيد
بارع في دور لعبته
حاصي كدا كشوفنا
جـبروت تارك مـلِّـتـه
للظلم أوزانه
عـاصي طـريـق الإلـه
يـمـتد أزمانه
ناخر في كل الوجـود
ممتدة أحزانه
وبِـيِـتْـبَـعـه الـمـعـتـوه
حلَّاف لأيمانه
بـيــفـــرق الأحــبـــاب
كـاره لـخلَّانه
ويتوه ما بين مسافات
متناسي أكفانه
ويكون فـي يـوم الـمــعـاد
الــنــار لأبـدانه
بقلمي صدام الصعيدي
الخميس 13/10/2022م
ليست هناك تعليقات:
إرسال تعليق