(ضغط وسكر.)=١٤٣
طب فيه ..سكر.. قالي مفيش
طب ضغط وسكر قالي تعيش
جاب سماعته وقاس....السكر
وشاف الضغط.... . ومقليش
طمني يا دكتور...وماتسبنيش
اول كلمه في كلامه وقالها
اوعاك ....تاكل تاني العيش
قولت يا دكتور
من غير العيش ازاي راح هعيش؟
اصل انا لو بدلت ف مرة
تكون مكرونة او قراقيش
حتى كمان اخري مع اللحمة
اني بشوفها في .قلب افيش
قولي يا عم. الدكتور واحكي
بس ياريت يكون بشويس
ينفع..... اني اقول الفاتحة
وما اصليش.؟
اكيد ما يجوزشي !!
ينفع اني ..ابعتلك صورتي
وانت تقوم بالكشف عليها
وما تشوفنيش ؟
ينفع ان النسر يحلق
من غير حتى جناح ولاريش؟
طبعا ....لأه ... ماتقنعنيش
يبقى اكيد مش هقدر اكمل
باقي حياتي من غير عيش
دي نص عيشتنا نشويات
اشي مكرونة واشي قراقيش
حتى التوب اللي على الجتة
انا بدلت ....القطن بخيش
لجل ما وافر لدروس بنتي
ولجل ما بحلم ليها تعيش
بصنع من .احزاني الفرحة
لجل ما فيها حبيبتي تعيش
اما حياتي.. عايشها بعافية
وبخاف بكره يروح مايجيش
علشان كدا وفرها نصيحتك
ويا ريت تطلب مني ماجيش
ادفع كشف يعني و سعادتك
تيجي تقول.. ابعد ع العيش
دا انا راح اقول للكفر بتاعنا
انك دكتور في التهبيش
ليست هناك تعليقات:
إرسال تعليق