انتي نهـيـتي حـكـايتي مـعـاكي
وإن مات قلبي يموت ف هواكي
انتي اخـترتي البُعـد وقولتي
اَبعـد عـن ارضِك وسمـاكي
انا عـن نـفـسي هبعـد وابعـد
لكـن نسيانك مـش هوعـد
حُـبك جوّه فِ قلبي وعايش
لسّاه جـوّه ياريـتو بـيـبعـد
انتي حـبـيـبـتي وليه انا باقي
مانتي رضيتي بٌـعـدي فراقي
هبعـد عـنِك هبعـد يمكـن
اقــتل بـيدي كُـل اشــواقي
هبعد وانا آسف علي جرحِك
هبعد وكمان قلبي مسامـحِـك
صورتك محفوره فيا وعايشه
عمري ف يوم ما راح انسي ملامحِك
بس ياريـتـك تـبـقي سعـيده
وانتي لغيري وانتي بعـيده
قلبي ساعتها يطير م الفرحه
حتي ولو روحي رايحه شهيده
.......
.......
كلمات الشاعر / محمد مصطفي
ليست هناك تعليقات:
إرسال تعليق