يمه رايحه فين ؟
...........................
يمه .........
رايحه فين وسيباني؟
يمه ........
ردي عليا وبلاش تفضل
دموعي كاو ياني ودبحاني
خلاص يمه الموت علن الفراق
وراحت صورتك وصوتك
معقوله لما أدخل البيت
ما ألاقي ترحابي بوجودك
ولا أحس الدفا بنفسك
وإحساسك
نادتني من الأكفان أنااااااا
رايحه أقابل الأحبه اللي
تركوني من زمان
رايحه اشوف مكاني ف الجنه
ورحمة الرحمن
ياواد .. نعم
دايماً إدعيلي
يمه حاضر
تصدقي يامه هتوحشيني
كنت دايماً بترمى ف حضنك
لما الصعاب تأذيني
وكنتِ دايماً توعينى
وياما كنتي
علي إخواتي توصيني
وبعلو صوتك تقولي خلي
بالك من البنات
عشان بعد موتي دول اللي
هيخلوا حياتك سكر نبات
يا مرسي إنت الكبير
متبقاش في نظرهم صغير
عاوزه قبرى يبقي نور
خليك فاكر كلامي
قبل مايجي عليك الدور
وإوعاك ياإبن بطني
من الشهاده الزور
وإوعاك تزعل جيرانك
دول ياولدي عزوتك
وأحبابك
خلاص رُوحتي يامه
وهتسبيني
لوحدي أقاسي
وكاس الفراق
يبقى عذابي
الله يرحمك يمه
وف جنة الرحمن نبقى لمَّه
.........................
جلال محمد
بيلا... كفرالشيخ
2025/9/21
كلماتي أهديها لروح
أم إبراهيم زوجة
بن خالي محمد المرسي
التى وفاتها المنيه
مساء السبت/2025/9/20
ليست هناك تعليقات:
إرسال تعليق