دولابي!!!١٣٨
قلب دولابي ذكريات
للراح. ومين أطاح.
والعدي. والفات
ومين ملاك ..ومين هلاك
ومين بيلف سبع لفات
جوا جوفه ميت حكايه
والف شات
ومين جوا القلب ..عشش
ومين يدفي مكان مابات
مين ف ضيقتك كان ف ضهرك
كان وتد واقف ثبات
وكان يحابي
وع اليمين رف ف دولابي
فيه حواري و نمنمات
لما كنت واد بشورتي
ويدوب بيميز.حاجات
فيه لضحكه قلب صافيه
فيها كلمه حب دافيه
لما امي كات تقولي
الف صحه والف عافيه
كت بتسعدني وكافيه
تمحي لشيله آهات
ودمع وسوء
وع الرف الشمال من فوق
.ومجاور قيراط الطوق
وجع ساكن وليه نسمات
.وصوره فيها أنا وحدي
ف كون تاني ومتغرب
بنادي لحلم ليقرب
وتمحي كل اوجاعك
صالب حيلك علي دراعك
حدودك دايره محصوره
براحها أضيق من الصوره
ماهي غربه
لا فيها صديق ولا قربي
وبتمرالساعات حارقه
وهناك ف الدرج كام ورقه
...يكح يجبلي كام شارقه
عيوني تمر ع المكتوب
ومن حبيبي لعزيزي
اندار الحال صبح مقلوب
سلام عشان من الاول
انا ماشيه ومش اطول
وكنت مفارقه من بدري ..
معاك أنا كنت بحاول
ولكن انتصر غدري
وسلام من بدري عام نول
وده دولابي بكام ضلفه
حاويه لحكايات حالفه
واهي عدت بينا الايام
مابين فرقه وبين شارقه
وبين بسمه علي طرفه!
واهي ايام
ليست هناك تعليقات:
إرسال تعليق