علي بابا!!! ١٤٢
غزال دخل الغابه...قابل غضب موجود
ولقي كتير مظاليم ...وقلوب مليها جحود
كام علي بابا صغير ....وخلفه بنت قرود
هدوا عرين الاسد ...ناقضين لكل عهود
غزال اتخض وشاف ...علي بابا بيبي مولود
ماسك غزال ينهشه ... و مفيش خطوط وحدود
أتلفت يمين وشمال ... لجل يشوفله حل
رعب ساكن ف الغابه. والخوف هنا واتسل
كام علي بابا كابوس... بص علينا وطل
زان الحياه بمرار ...نخ الجمل وانذل
انا كنت فاكر ان ....علي بابا بس لص
وكان يزن كتير ...وكله يسمع هس
كام علي بابا طالع... شارب كتير م الدم
لاقال كفايه شبعت... شايل صفات الذم .
عالم صبح مسعور. والغابه فيها احناش
ميت كداب وحرامي ...واونطجي وبكاش
واهل الغابه غلابه .... وصوتها مابيعلاش
غزال ف سن الصبا. ... صابه العيار وطاش
وغزال ف سن الكهوله ...من الغدر ماوطاش
والغابه.فيها علي بابا ...وكتير هناك ع الشجر
مافهمش واحد صالح ...كله وحوش ع غجر
غزال قال ياخساره ... انا من هنا راح اطير
كتر كتير علي بابا... والغابه صابها نعير ..
لا بدين ف كل الغابه ... وف زنهم دبابير
افتح مغارتك ياصلاح...وطلع الحرافيش
كابوس ده ولا حلم ... كان نفسي اني اعيش
كان نفسي اني اكون ...ف الغابه م الدراويش
اصبح صالح وفالح. وماخافش يوم تهبيش
وازعق وقول ياهووه....ادوني بس نصيبي
طالب حياه بكرامه ...ولو عضمه او قراقيش.
..........................وحي حي حي حي
ليست هناك تعليقات:
إرسال تعليق