عصفور.!!! ١٤٥
زقزق العصفور وصبح
وصحاني من المنام
سمعت منه احلي كلمه
يصطفيها من الكلام
اصل كان عصفور يزقزق
تفرح الدنيا بسلام
قولتله ياعصفوري قرب
ليه مغرب ف الفراق
تطير وتبعد والف موعد
حابب لحاله الاشتياق
هو انت ياعصفوري حاير
ولا طاير ف الضباب
ولا انت ضيعت حلمك
ولا سابك ولا خاب
انت ليه مشتاق لدمعك
والبكا مصاحب لغاب
سمعك بتقوله قرب
بتلومه لطول الغياب
انسي دمعك واهجره
وطير وغرد ف السحاب
وارسم الحروف باسمك
تبقي زينه ف الكتاب
نفسي تنسي مره دمعك
نفسي تقفل الف باب
بس طير وغرد انت
وكل امرك مستجاب
لو قالو عليك امير
اقول امير بالانتخاب
بس افرح بس اسعد
ورجع الضحك ال شاب
ورفرف وم تاني زقزق
ليه بتغوي للسراب
والله لو شفت دمعك
لااجري احارب بالحراب
بس ترجع بسمتك
وقسمتك ترجع شباب
ليست هناك تعليقات:
إرسال تعليق