اثر!!! ١٤٤
سايب اثر
ما انحصر.
وسابقني ع السكه
يهمس يوشوش
يحكي ويتحكا
سايب لذكري. وبكره.
راح يفتكر حرفي
حاولت انقش ع الحجر لحروف
تسبق تطوف
معلومه مش نكره
الدنيا ماكره
وضحكت بعيد عني
كان نفسي اغني
بس مغلق بميت اكره
ابقي افتكرني ولو كلمه من قولي
لوصدفه مره اوحتي ع الماشي
ارفع اديك والعفو من ربك
كان حرفي حبك
وسطورك ماكات شاكره
حاول تعدي مره ع خطي
واوعاك تخطي
وتنساني ماتشفنيش
باصص لتحت.ليه
و ليه بقي موطي
نسيت لخطي!
بطل مهابره و مكابره..
انا جواك راح اعيش
لو سن قلمي انكسر ...
اوعاك تكون ساهي
وتتوه ف زين وذال
وتغيب مع تلاهي
بتلاهي نفسك .
نفسك تروح للطيش
بس لسانك.
هايساهيك ويذكرني
ترفع لرايه وتبقي م الدراويش
هايقول كلامي. وسلامي.
ويومك.
دون سكري ماحليش
سايب اثر!!!
ليست هناك تعليقات:
إرسال تعليق