خرابيش!!! ١٤١
لما ناديت وقالي راجع
كنت انا لنفسي براجع
هو جاي شايل حموله
ولا جاي يكدب ف قوله
ولا يقلب ف المواجع
شايف لنظره ف العيون
فيها حيره كتير ظنون
والكلام مش ده كلامه
وف سلامه كتير جنون
قلبه كان للقسوه راضع
والصفامش ف القاموس
غدر طاحن ليه تروس
سهل ع العشره يدوس
وهو مش صافي ومخادع
ياما قولت عليا مهلك
وقولتله حاسب هاتهلك
اصل انا ناسك واهلك
وانت بير محتاج قادوس
يخرج الميه ال راكده
يصفي كل نظره حاقده
تصفي تبقي حلوه عذبه
وللكلام علامات مؤاكده
وكل زين يبقي ناموس .
بس قولي لو انت راجع
امانه ماتقلب مواجع
خلي كل الهمس ساكت
وبلاش نفتش ف النفوس
ليست هناك تعليقات:
إرسال تعليق