شوشو!!! ١٣٩
خطفت نظره سرقتها خلسه
وابن الابالسه. خدني وداني
قالي تعالي هاتشوف لكام ورده
وف قوله حرده. وانا الوحداني
خدني هناك والنظرة سبقتني
طبيت غرقت وصلت حدي وداني
يخذيك ياشوشو سبني هنا منسي
هو انت انسي و بتفكر ليه مكاني
اناخدت نظره يمكن ولا اتحسبت
بس انت سو وعو ودتني ليه تاني
عمال تقولي طب شوف بقي جمالها
طب بس مره وحس يوم حالها
ارفع لشالها ومالها دي فرصه
وكأن بورصة وسهمها صابني
ايه ال نابنني ماكنت بعيد ع الشط
ايه ال جابك هنا. اطلب. تكون ع الخط
هو انت ايه عفريت ف وشي جاني ونط
ولا انت قسمه ورسمه ف صفحاتي
ماتغور ياشوسو وروح. راضي ان حياتي
راضي بحافي ولحافي ونومي وآهاتي
رسمت بيني وبينك الف خط وخط
ولو جه خيالك رسي ف ارضي وحط
لانزل بحور واغور واسكن جزيره وحيد
طول مانت ساكن هنا ومخيم هناك ع الشط
ومفيش سلام!!!
ليست هناك تعليقات:
إرسال تعليق