كعبلون!!! ١٢٨
وتاه الشوف وفين هو
وبتكعبل حتي ف خيالي
اتوه ف حواري أفكاري
وعتمه سمانا بالغيمه
بخطي الخط وبنطه
واحدف ف الهوي رجلي
وارجع خطاوي لجل اقفز
تضلم دنيتي بخيمه
غشاوة تزورني ع عيني
تغشلق بايدها بتشاور
عشان تطلع لفوق درجه
تلف تلف وتناور
ويارب استر تكون تيمه
اتعكز ع روحي
واتسند ع صيتي
وارجع سنين ورا اهرب
عشان اعدي لجروحي
مانا كنت زبون دائم
وهمي كنت ليه وليمه
وكان املي ف بصيص نوبه
ولو شوفه مامحسوبه
اعدي مره كام خطوه
بدون نقره وكام طوبه
وهدر ووقعته اليمه
اعيش لحظه اشوف بسمه
ولو تكون ابيض واسود
تعدي تهدي لو نسمه
والمحها لقطه ف السيما
ليست هناك تعليقات:
إرسال تعليق