تاجر كلام!!! ١٢٦
تاجر كلام غشني
وطفف الميزان
بدل الزينه بشينه
كملها بالاحزان!
عبا الكلام ف الكيس
وانا ال كنت حريص
عيني يدوب غفلت
رمشت دون استئذان
كشر بطبع خسيس
سمع ندا لأبليس
وسرقني ف الاوزان!
موع ووارب قوله
وقوله مش واضح
والفعل كان فاضح
منه امتلأ الخزان!
نقص نقط الحرف
واعوج ف سطوره
خالف لكل العرف
شوح لنا ساطوره
دهوس بحنطوره
وقطع ال زان!
بطش بكفه الرضي
قصقص جناح قوله
سطره رضي مش ندي
مهزوز ومال طوله
جلاد.وكان لابس
عمه.وتوب وزان!
ناسي وناكر يوم
تغرب فيه شمسه
وحساب لصلاه اوصوم
ولا بكره ولاامسه
فقد للمسه ونسي
ربه. وندا. لآذان!!!
ليست هناك تعليقات:
إرسال تعليق