حلم جميل!!! ١٣١
عز الليل
خبط بابي حلم جميل
قمت جريت فاتح بوابتي
الضيف غالي وتاجي وابتي
طبطب عليا وقال مالك
شايف حالك. مش ولابد....
والله كبرت وبقيت جد
لسه ياواد خطواتك واسعه.
ولما بتمشي تشد تمد
لساك غاوي لكل الصعب
لساك غاوي تعدي السد
والله يا حوده كنت حبيبي
دون اخواتك
والله كبرت وشعرك شاب
والكرمشه.زارت واهي جاتك
قول احكيلي
ع تفاصيل تفاصيل ف حياتك
لساك تضحك ضحكه تجلجل
لسه بتجري كتير متعجل
لساك حابب الناس والعزوه
لساك عامل بارم ديله.
عامل فيها عمده وحظوه
قول واحكيلي
ليه ف ملامحك خاليه شطوطك
قالب الحرف. وعوجه خطوطك.
والله ياولدي. بقي مخطوطك
عاوز شفره. ما تقول مالك...
شايف هبه عليك العفره
حاسك واقفه الكلمه ف حنكك
وبقت ساده وغامقه ف كنكك
شكل الحرف تقيل متقطع
حلمك ساده وليك متنطع
غور همك. وان مين زمك .
تجيه ستين.
كل الريحه وكل الظفره
طب اسمعني. انا ياولدي بحالك معني
قبل ماتكمل قوله. الآه
قلبي يدب واحسه وجعني
اترك. هاجر. الهم وشيله
ارميه بعيد ع رف وحيله
وارسم نسمه علي كام بسمه
وهات كام ضحكه تحل بديله
عايز امشي واكون مطمن
وانا ماقلقشي عليك واخمن
زعلي عليك هايجيبلي العصبي ..
.اصحي حبيبي وياواد عصبي
عارف انك بعضشي عصبي.
وقلبك ابيض
افرح ربي يزيد بسماتك.
احكي. ربنا يحرمني سكاتك
انا راح امشي وهاجيلك تاني
وكلي اماني
تسكن فرحه. تكون ف حياتك
تعالي ف حضني. عبط فيا
ياه. ياوليدي.
يد الفرقه. تقيله عافيا
يلا سلام. هايجيلك تاني!!!
ليست هناك تعليقات:
إرسال تعليق