حكايه ملحمه!!! ١٣٤
مابين مين عاب!!!
ومابين رحب وحيا شباب!
مابين بيتوه وبين معتوه
وبين سب.وكال لسباب
داير ف العقل الف سؤال
ومين يناولني مره جواب
ياناس ياهوا انا تايه
انا ف حيره من كاره ومين حبوه
ياناس ده نصر للعزه
ياناس ده العزه ف غزه
ياناس الشوف هرب منكم
وغريزه الغل ليه فزه
وليه الكلام طالع مزنوق
راح شق وخرج م الطوق
وليه طابقه السنان جزه.
طب اعمل كشف نظاره
وهات الشوف
وشيل لغشاوه .مغلوله وقول مخروف
بقي منكم الكلام ناقص
وناقصه حروف
تسموا النصر بهزيمه وساعات ناكسه
ياميت واكسه
ع الخانع ع الغايب عن الدنيا
عن.فاقد الوعي والمرسي
عديم الفكر
ومستولي ع الغباء ليه حكر
واشاعاته ف الهوا فاكسه..
.فاهم انك ع خلاف باين
لكن دمه عليك هاين
وازاي تدبح ف شرايينك
وتمجد لسفاح خاين ...
قاتل طفل مع امه قاتل ابوه مع عمه
وجاهز قولك ويجي زمه
...ياه ياقلبك
هاتفف ازاي امام ربك
..وايه هاتقوله وهادافع
وعن زمك ف ناس منك
ماهايبه صاروخ ولا مدافع
ودمه كان تمن غالي
وبرضا واليقين دافع
عملت ايه قولي انت
ياوحش ياجحش يايافع
راجع نفسك وشوفك فين
وفين راحه خطواتك
ولو قولك مايعرف زين.
ملوش لازمه ولا نافع
ودنيا وغزه رافعه الرأس
واسم مزين الكراس
والعزه ف قلبهم وميراث. صلاح الدين
طب انتو مين!!!
تكونوا من الناس دوكهما
ومن دولا ودولهما
كفايه هم.... قفلتوا قلوبنا بالترباس
ياخلق الله يا اهل الله
. ده مجاهد عاهد مولاه
يبقي ازاي يطاطي الرأس
وربه معاه فوق ف علاه
تيجي ازاي ....ياه ياباي
قلوب سوده وغامقه غطيس
وبطاطي وحشه دريس
.وماتعرفشي شهاده السنوار
لكن تعشق. لموتها فطيس
ياواد ارجع!!!
ليست هناك تعليقات:
إرسال تعليق