قصاقيص_ورق
عمر إتسرق
و ذكرىٰ مكنونها إتحرق
و خلق داير في الطرق
إياك تظن إن مصيرك
يوم فرَقْ
و دي حكايتنا....
منا اللي عاش بألف اه
منا اللي مات جوا الحياة
و شاف بدايته في منتهاه
طب ليه يا عمر الشقيانين
حالف تِبَكيها السنين
تُبدر عذاب جوا الرحايا
و يكلمك غلبان حزين
تقول له ما تبصش ورايا
و سيب مصيرك
يتكتب جوا الحكاية
و اصبر و صَبّر و اصطبر
ده الصبر أيه
و إياك تجادل أو تحاول
يوم معايا
جايز لصبرك
راح تنول أجمل هدايا
و الأكيده
إن ليك حتماً نهاية
عمر إتسرق
و ذكرىٰ مكنونها إتحرق
و خلق داير في الطرق
إياك تظن إن مصيرك
يوم فرَقْ
إنك تكون في كون جنون
و لا حد عارف إنت إيه
إنت مجرد طيف يا بيه
مرسوم على قصاقيص ورق
هاني_احمد_علي
ليست هناك تعليقات:
إرسال تعليق