الانبوبه
..................
الكانون الكانون
المتوفر والمضمون
بعد ما رفعوا سعر الغاز
بلاها اطباق وبلاها صحون
ناكل جوعنا من إللى واجعنا
إللى هيطبخ فينا مجنون
لما نسمع تانى اعذركم
لازم نقرش كيلو لمون
خلقة ربك حنعدلها
نلغى منها لسان وبطون
وبكره المعده هنبدلها
نشيل الكبده والبلعوم
ونحط شواحن أحسن منها
وتقعد بالاسبوع مشحون
تمشى بفيشه ولما تجوع
تحط الفيشه فى الدندون..
حتى عطشنا هنشرب منه
انت فى سيستم نام ماتقوم
محمد وحيد
ليست هناك تعليقات:
إرسال تعليق