دقيقه حِداد
تعالوا نقف
دقيقه حِداد
علي إنحدار
الأخلاق
اللي ماتت
من زمان
علي الناس
اللي ضيعوا
الأمان
علي العمر اللي
راح بلاش
والحياه الصعبه
اللي ماتتعاش
والفقيراللي نام
جعان متعشاش
واللي راح ولسه
مجاش
دقيقه حِداد
علي الحلم
اللي عاش جوانا
وصبح ف مزاد
علي أحلام الصبايا
وشقي الولاد
علي قلب راجل
كان له زوجه وولاد
دقيقه حِداد
علي ناش عيشونا
ف الوهم
ولقينا بياض قلبهم
أصله سواد
علي الحب اللي
كان ينفع يبقي
ميه وزاد
اللي مات ف غمضة
عين
وعيشنامن بَعده
الحداد
علي إيدين الأوغاد
دقيقه حِداد
علي أم ماتت وإبنها
كان عليها قاسى
وقلبه ضلمه
من كُترالعِناد
و ناس باعت
ضمايرها ف مزاد
و ناس من
كُتر الفقرباعت
ضناها بالرخيص
ف السوق
وقلبها بيتحسر
بين الضلوع
مخنوق
دقيقه حِداد
علي قيم ومبادئ
كانت
عايشه جوانا
وراحت خلاص
ف ضحكة بنت
وغضب الواد
دقيقه حِداد.. دقيقه حِداد.. دقيقه حِداد
...................................
جلال محمد
مصر.. كفرالشيخ
2024/9/21
ليست هناك تعليقات:
إرسال تعليق