#الحب_كله
نظرة عينيكِ خطفت لي قلبي في يوم
من يومها عقلي و قلبي فيكِ داب
حسّيت ساعتها إنك أحلى نصيب
و لا عمري يوم إحساسي كان كداب
و فضلت أسعى و أبعت المراسيل
حبيت أنولك و أخدت بالأسباب
شغلتي نفسي و روحي حتى لقيت
عقلي ما فات طريق في يوم أو ساب
و مشيت وراك ِلجل أعرف العناوين
و سألت ناس خبطت على الأبواب
ربي أراد يجمع ما بيننا و كان
الحب كله و فرحه و سعده جاب
و عدى يوم ورا يوم و عدى كتير
و حبك فيا داب و عمره ما تاب
أهديكي وردي من أجمل البساتين
تأكيد بإني حبي لِسَّه شباب
و عدى العمر مشارف السبعين
و لِسَّه القلب حبه فيك ما غاب
ظهري انحنى و الشيب بقى له سنين
و غرامي بيكِ أحكيه في ألف كتاب
يا عمري خايف يوم نهايتي تحين
يواريني قبري و أفقد الأحباب
#هاني_احمد_علي
ليست هناك تعليقات:
إرسال تعليق