ثانية واحدة لو سمحت
كلمات / عبدالناصر عياط - مصر -اسيوط
ثانية واحدة لو سمحت
اسمع وافهم الكلام
ليه تشترى اللى بايع
وتقول الأصيل سلام
يا اللى بتبيع ضميرك
هو تمنه يسوى كام
ازاى تبوس الأيادى
وقابل تعيش خدام
ياللى بتنافق سيادته
علشان كرسى والسلام
ترضى على نفسك إهانة
وترجع بالليل تنام
فين راحت الكرامة
وأنت بايع بابتسام
ثانية واحدة لو سمحت
فكر وانظر للامام
نظرتك قدام مرايتك
شايف نفسك باحترام
حضرتك فى عيون ولادك
أكيد حاسين بانهزام
فكرت الناس فى بعادك
ها يقولوا ايه من الكلام
بلاش اقولك رأى الدين
أنت مش ناقص علام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ثانية أخيرة لو سمحت
ارجع لنفسك و دينك
أى شيء عيب ، يدينك
الباقى الذكرى الحلوة
وكرامتك حطها فى عينك
ورزقك محسوم من بدرى
ماتخليش الدنيا تهينك
دنيا فانية مالهاش لازمة
حافظ ع الباقى فى سنينك
ليست هناك تعليقات:
إرسال تعليق