#راجل_عجوز
راجل عجوز
محفور على
جبينه السنين
الطيبة باينة
من خطوط
وِشُه البشوش
يضحك يجوز
بعيون
و مليانين أنين
و البسمة راسمة
الراحة للي
ما يعرفوش
في عينيه دموع
مِداريها
من كتر الحنين
و حزن ساكن
روحه
متداري عن
كل الوشوش
ما هو زار ضناه
لاقى البرود
جوه المشاعر
متشالين
قال له يا ولدي
أنا شوقي ليك
ما أقدر أحوش
و ده
نفس شوقي
و أنت
لِسّاتك جنين
و كنت فاكر
تعبي ليك
ما بتنسهوش
أنا باقي عمري
حاحيا علشانك
حزين
و من ولادك
يا ريت يا ولدي
الهجر دوّة
ما تلاقوش
أصلاً يا ولدي
كل الحياة
سلف و دين
و لو حتزرع جفا
عمر اللقا
ما حتحصدوش
#هاني_احمد_علي
ليست هناك تعليقات:
إرسال تعليق