(..واحد صحيح..)=١٨٣
اقسم كل واحد اتنين
وارجع اقسم .النصين
يبقا بقينا ...اربع تربع
كل ربع.. عامل نصين
قولي ازاي طيب رح نرجع
واحد صحيح .وملو العين
كل ربع جايبله اصفار
والاصفار. .بهبل وكتار
من غير واحدليهم لازمه
رمل لوحده مايبني الدار
وربع كمان ماسك نبوت
وحالف انه ماحد يفوت
حافظ كام كلمه يقولهم
ال يفوت من هنا هايموت
وتالت ربع عملي معلم
عملي حكيم و بيتكلم
اما ان قلت ياعم الربع
يصفر وشه ويبقي مبلم
اما آخر... ربع..... ياويله
ليله نهاره ...ونهاره ليله
شاف البخت وهو دليله
ان هايفضل ربع مضلم
لم يا واد وفوق بقي وارجع
ليه تقسيمها ....اربع..... تربع
داحنا لما نبقي كلنا واحد
كل ديابه الغابه ..هاترجع
من غير كسر وواحد وصحيح
ونجمع واحد ....جنب الواحد
تمشي ....كل أصفار مفاضيح
تهرب كل علامه القسمه
وبنكرهها.... كره صريح
وتجمعنا.......علامه زائد
وبينا يصح كل صحيح
ليست هناك تعليقات:
إرسال تعليق