زجلية تحت عنوان:
كون ولد الناس***
باش تسلم...
من كلام الناس
كون ولد الناس
قاد على الواجب
في اسعاد الخلق راغب
يبغي بنادم والصدق أساس
اما الا كان حطاب بو فاس
مريض بالعظمة والوسواس
راه يستحق يتدرس دراس
هذاك شايطة غبينة
ل روحو ونفسو عادت سقيمة
حلف م يفيق ؤ م زرع غ الباس
فباش ؤلاش ؤ كيفاش
نشهد الزور
نصفق لظالم مغرور
سرق ؤنهب بلا قياس
علاش
بغيتي دير لي كمامة
ركبتي لموجة ؤ ذبحتي ذيك لحمامة
كنت الجزار وكنت القناص
ؤ باش تسلم من كلام الناس
كون ولد الناس
بل صفي تشرب
حكمة ؤ وصية فيها ترغب
صون الحق بلا كذوب بلا لعب
ؤ ل دار علاش الميزان قسطاس
فعلاش
لعامر يبني ولخاوي يخرب
لعمارة في يدو ؤ غير تيشقلب
ضرب هذا بهذا..
فآش هاذ الترفاس
زربتي بالشوك ذاك الحلم
م بغيتي بنادم يقول اح ويتألم
زرعتي شرك وضاقت الانفاس
ؤ ل بغيتي م يقيسك حد
كون سبع ؤ وفي بالوعد
دير الخير فهما المقياس
ؤ ل بغيتي تنجا من كلام الناس
كون صافي طاهر
بالمعقول حك لعدو زنافر
ما تكون شلاهبي ولا قلب الكياص
كون ولد الناس
***الزجال والشاعر: احمد الكندودي *** المغرب ***
ليست هناك تعليقات:
إرسال تعليق