موال ...
البني آدم طبعه الدناوه
والطبع فيه غالب
ولو تحاول تعدله
يغلب عليه القالب
وفي الأمثال قالوا :
ديل الكلب لم ينعدل
ولو علقوا فيه قالب
في وشك يعمل ملاك
وفي ضهرك بيغدر
وينهش في لحمك
ابدا مايتصاحب
اوعي تصاحب الخسيس
ولو مالقيت ليك صاحب
ده الصاحب السوء
يوزك علي الحرام
وللشر ليك ساحب
يا صاحبي
خليك كيس فطن
واختار اللي هاتصاحب
اختار اللي ينصحك بالخير
وللجنه ليك ساحب
واشكر ربك علي نعمته
و إياك تكون جاحد
هو الله الفرد الصمد
لا شريك له وهو الاله الواحد
وعجبي ... !!
احمد المرشدي
16 ديسمبر 2022
ليست هناك تعليقات:
إرسال تعليق