مات الجنيه ...
الكلام ده كان
من كام وتلاتين سنه
كان الجنيه بعافيه شويه
وقالوا مات
اومال دلوقتي
بيقولوا ايه
خلاص بقه
راحت ع الجنيه
قالوا عوموه
غرق ...
قالوا هاينعشوه
العام اللي فات
السبت فات
والأحد فات
والجنيه شبع ممات
وبقي مايساوي
حتي الورق
المطبوع عليه
و وصل الدولار
اربعه وتلاتين جنيه
ولسه فلاسفة الاقتصاد
موش عارفين
يعملوله ايه
ولسه مافيا الاستيراد
بيقطعوا فيه
وموش هاممهم
غير مكاسبهم
وان شاءالله
الشعب مات
ونترحم عليه
والفقير يا عيني عليه
عمال يزداد فقر
ومستني يموت
زي الجنيه
شاعر مهندس : احمد المرشدي
11 ديسمبر 2022
ليست هناك تعليقات:
إرسال تعليق