آخر التعازي/د طارق النجدي مجلة روائع الشعر والنثر وفرسان الحرف

 أَحَرْ التعازي 

يا أم الرجال..

ف خمسين ألف ماتوا 

وسبعين ألف جرحى 

ولا حتى صرخة ..!

شوية دموع ..!

يا لابس فى طرحة 

عليها عقال ..!

أحر التعازي ..

يا أم الرجال .

ولا نص كلمة

شوية دموع.

يا ذل الخضوع..!

يا تمثال ذُل صاحي 

و قايم ونايم 

تعد الغنايم ..

تهيل التراب 

على أمك ..وخالتك 

و عمي وعمك ..

إيه بس همك ..!؟

يا ذل الخضوع ..

تريس في المهالك.

و تيس فى المعارك 

يا خيبة الزمان ..

....

مش لاقى كلمة

توصفك ..

ولا حتى ريشة ..

ترسمك 

نسيت اللغات  ..

 ياحلو ف دلالك 

يا سيما ف جمالك 

يا زينة الرجال ..!!

قول لى انت مين ؟!

ده جارك وجاري 

ده تارك وتاري..

يا سهران ويا  ليلك 

تعد النجوم 

دى ليلى .. ودى عبلة

يا عنتر زمانك 

يا مسخ الرجولة 

يا رمز الفحولة..

يا خيبة الزمان ..

سكوتك بكام ..

و" غزة "..ركام 

هوانك بكام 

وذُلّك بكام ..!؟ 

يا لابس فى طرحة 

عليها ..عقال 

علوج هدوا دارك 

وقتلوا الحريم ..

يا عبد الرغيف ..

ربيعك ..خريف .

وعمي وعمك .

تحت التراب ..

يهون العذاب ..

خسارة العتاب ..

ولا حتى كلمة ..

خسارة العتاب ..

أحر التعازي

 يا أم الرجال ..

مش لاقى عندي 

غير شوية دمع 

يمكن تسامحي. 

تغفري..!

لكن يا "غزة"..

لا ..لا تستغفري 

للراكعين الساجدين 

للوثن ..

طال الوسن..

طال الوسن..

مع الإعتذار لملايين العرب ومليار ونصف مسلم ..!!

طبرق ..مايو 2024