( متصالح. )٥٦٠
ولامم نفسي وبحضنها
وبداديها وبروادها
وبطبطب عليها ....بهاودها
وعنها الدمعه اخبيها
وبحاول اني ابعدها
وحاوطها بكام بسمه
بحاول اجري واسعدها
واروح بيها هناك لبعيد
مهوداني وماسك ايدها
تتوه مني وساعات تيجي
تخبط بلهفه ع بابي
تقابلني بحضن وشوق
ف شنطتها معاها صورتي
وصورتي يحضنها جوابي
تقولي واحشتني بشكلك
بضحكك حتي بمشاكلك
يا عز الناس ياعمري
ده انا منك ده انا سني
مخاوي بالساعه لسنك
ومين غيرك يساعيني
ومين يمحي دموع عيني
ومين للشوق يوديني
ومين غيرك هنا يجيبني
انا عارفه عليك ماهون
وعز الشده مايسيبني
وانا من قلبي بقولهالك
كده بحالك كده عاجبني
بروحك و كده بشكلك
بكل الورد ف مشاتلك
بكل حاجه. فيك انت
بحبك حتي بمشاكلك
تعالي حضني......
ليست هناك تعليقات:
إرسال تعليق