من الهام الشاعر محمد وحيد/د طارق النجدي مجلة روائع الشعر والنثر وفرسان الحرف

 إلي الحبيب استاذ/محمد وحيد .شاعرنا الكبير من إلهام كلماته الأخيرة..

فلان يا بن عمى

 يا ساكن ف دمى 

يا شايل فى همى ..

و همّك كبير 

سامحنى يا خويا

مانعنى الغفير 

ماسك لى عصايا 

و كل ما آقول له 

حرام مش كفاية ..؟!

يقول وانت مالك 

تربى في عيالك ..

وتسكت معايا ..

عذابك .. سطورك 

وعذابي... قبورك 

تعيش وانت ساكت

كأنه الإله ...؟!

فلان يا بن خالى 

يا عايش ف بالى 

سامحنى كمان ..

سمعتك بتصرخ ..

وشفتك بتبكي على 

ابنك وابني 

وتشكي و تبكى ..

فتحت الكتاب 

لقيت العتاب 

من المولى ذاته ..

ورسوله وآياته 

سألت المشايخ 

عادوا لى الكلام 

ده قدرك ..نصيبك 

قريبك..حبيبك ..

بعتنا له شاش ..!!

يلملم جروحه 

يكفّن ف روحه 

يا خيبة المشايخ 

نسينا الجهاد ..

يا خيبة العروبة 

ودم البداوة ..

ياأخر غباوة 

ف زمننا الغريب 

رجعت لغفيرنا

لقيت الحدود ..

يدوب خطوةواحدة .

وخط الحدود .

ايشى أحمر وأصفر  

و يافطة "رفح"...!!

و دمك طفح ..

و قلنا و عدنا ..

قالوا لنا ..بكام ..؟!

سامحنى ياخويا 

صياد الأسود بقي صيدة .

بسلاحه وعبايته البيضا ..

السيف اللى كان بتار

بقي" عارضة "..

و ليل ونهار 

و "البدوي" ..يهود على أرضه ..

يصتادوا في اخوه ..

و ف عرضه ..

صياد الاسود ..

كان "حمزة "..

وعيالوا يدوبوا "بغمزة"..

يا خسارة يا أهلى وناسي .

شاربين المرار مع كاسى .

ناسيين اللى قالوا علينا ..

صعاليك و العدد ملايين 

صياد الأسود ..

كان "حمزة "..

ياأسيادنا

يا" آل لبيت"

البيت اللى كان معراجه

صلى الله عليه وسلم 

ف ايدين الصهاينة 

هلاكه..

فينكم انتو ليه ساكتين 

سامحنى يا خويا 

انا شايب ..

لكن يا ما عجايب 

اسأل عن اشاوس 

تاهوا ..

في الخمرة و عاشوا 

وعاشوا وساوس 

واسأل عن نشامى 

عراقنا ..

وندامى ف ليبيا وسوريا 

وخليجنا اللى لابس

طرحة 

حطوا له عليهاعقال 

و رجالنا اللى صبحوا هوانم ..

الدم في بحورهم ..

عايم ..

دمك يا بن غزة شهيد 

ملايين ف العسل نايمين 

سامحونا يا أهل "جنين"

وسامحنا يا طين حطين ..