إبن بطنى
…………......
عيش جبان يابن بطنى
واتباهى إنك جبان
عيش جبان ياابن بطنى
الزمان غير الزمان
عيش جبان ياابن بطنى
واياك تفرط فى المكان
ارجع وفوق يابن بطنى
انت مارد مش جبان
ارجع وفوق يابن بطنى
انت اقدم من الزمان
ارجع وفوق يابن بطنى
انت الرباط إنت الامان
مش ابن بطنى إللى يطاطى
واى ازمه تكسره
ويحنى راسه لأى واطى
والخسيس يبعتره
..
إبن بطنى
هو الحكم وهو الميقاتى
تفرح بهيبته ومنظره
إبن بطنى راسه عاليه
غير العزيمه والإراده
عاشق لحضنى
تحت باطى
..
فيه جساره وفيه شهامه
تعلم الباغى الندامه
وطيب بشوش سنباطى
..
وممكن يدندن بالصاجات
خبير فى صيد الدبابات
وعندنا عبد العلطى
ابن بطنى فارد قلوعه
ولو يصارع الف موجه
قلبه ينزف لكن دموعه
عاصيه ماتكسرها حوجه
تنور فى التاريخ شموعه
وكان لكل الدنيا خوجه
ادعو لابن بطنى يرجع
ويصحا فايق من سُباته
إللى متنمرد هيركع
وكل حاوى يلملم حجاته
ادعوا لابن بطنى يرجع
ومعاه شجاعته ومفرداته
قلب طيب وسيف بيردع
معتز بعروبته وذاته
محمد وحيد
ليست هناك تعليقات:
إرسال تعليق