ما عرفشى
………….......
ياعيون مفتوحه
مابتشفشى
وقلوب مقفوله
ماترحمشى
وودان للزينه
ماتسمعشى
وعقول عطلانه
ماتفهمشى
العالم كله بيتحرك
وانتوا عنيكوا
ما ترمشى
الجوع بيموت اطفالهم
وقلوبكم صخر
ماترجفشى
…
إللى بيحصل مش معقول
عمر الجبن ما كان لينا عاده
شرح تاريخنا العربى يطول
يا إما النصر يا إما شهاده
ايوه انا عاقل مش مسطول
بيحربوهم حرب إباده
كل مراجع الدين بتقول
دعم إخوتنا دين وعباده
عمر العربى ما كان مذلول
كفانا خوف م الغرب ياساده
…
عادى بنتفرج ع الاخبار
نسف وضرب ليل ونهار
والباطل عنده الإصرار
يسعى فيها خراب ودمار
وبيكسر أنفه السنوار
هو وإخوانه الاحرار
بيدفعوا عن شرف الامه
إللى ماليها صوت وقرار
حتى الشجب ما بتشجبشى
ركعت زحفت ما بتفرقشى
…
يا اخويا الصامد ف الأنفاق
اتعلمنا منك صبرك
وإن الخوف م الغرب غباء
وإن كرامة الامه فى صدرك
وإن الأرض هى حياتنا
وإن حياتنا ليها فداء
وعمر الخوف ما يغير قدرك
…
ياخويا الصامد ف الأنفاق
اثبت ع الحق ما ترجعشى
النصر فى اخر المشوار
سلمها لربك ما تخفشى
محمد وحيد
ليست هناك تعليقات:
إرسال تعليق