..(..صرخه..)٥٤٧
سرحت... صرخت... في حواديتي
وجريت.. وبقلب حوانيتي
كان باقي مني هنا شويه
كان باقي صورتي وانا بشورتي
وانا راسم...قلب علي اورطي
كان باقي حاجات عملالي خايله
بتزيد ف الفكر وف حيرتي
كان باقي خطاوي انا وصاحبي
مصاحبني وانا لسه وبحبي
وبقايا كتير راحت مني
وصور خيالات مش راحمني
اخترت البعد .ليه.بخاطرك
و لوحدك ماشي. مامستني
عمال تتلفت بتأني
ودموع في عيونك مسحوحه..
.وتواريخ من ذهنك ممسوحه
غريبه....بدمع ولسان بيغني
شايفك بتحوم ...حوالين روحك
ولسان سجان حارس بوحك
شايفك بتلف ومش لاقي
.عمال. تسألني فين الباقي
والباقي آهات ساكنه جروحك
..بيزن....خيالك. بيزن
بتحن انا شايفك بتحن
مسكون وراكبك ميت جن
بيوسوس جواك ع الماضي
وجواك انا سامعه بيئن
اخلع توبه. كتفه شله .
انسي خياله...دوس ع ضله
وانسي لأمسك ورجع شمسك
جمع للحرف ف كلماتك
.لملم كام يوم عدي و فاتك
.سافر له ايام لوكان نائي...
وهاتوا ف ايدك
قوله انت المكتوب علي اوراقي
.وريني نفسك وداويني ....
واشفيني ياريت من اشواقي
ليست هناك تعليقات:
إرسال تعليق