(المشهد الأخير )٥٥٩
من رحم الحياه سرقنا الموت
كفن ليالي الفرح ف طياته
قبل الفطام مايحل كان سابق
مستعجل ومتواعد مع ساعاته
وقف الزمن شاور مخفيه نياته
والقلب قال سلام وخد لدقاته
دنيا والكل راح وجري ف جري
متكفي و متغمي
لانا شايفه هو جاي
لكن شايف غمي
خد الأمل من بكره
ولا مره بيسمي
كان شايل شيله تقيله
وقالي انا بأيدك
خدت الشهامه معايا
وشمرت انا كومي
ناقص م الوجوه واحد
راح فين ومين وداه
اتريني شيلت معاه
مرحوم وواد عمي
من غير اذن جاي
وع البيبان خبيط
جاهر بشنطه سفر
واوعي تبقي عبيط
خلي خيرك غمر
مش ري بالتنقيط
وتاوي لو ناوي
كتامي من غير سيط
واوعا الانا. تبهرك.
تأهرك
وحرت ف الميه
عملت خير بيمين
وعملت اغنيه
ولبانه بتمطها
و الكلمه بتحطها
وع يافطة بتخطها
ماتت ف مهدها
ماتت بلا ديه
وبشويش يابوي..حاسب.
بهدوء ومن غير صوت
من رحم الحياه هايسرقنا
وجي جي الموت.....
هسسسسسسس!!
ليست هناك تعليقات:
إرسال تعليق