( الله يسهلك. )٥٤١
الله يسهلك من جوايا بقولها
سابقه حروفي والكلام
كل ال شفته منك كان علام
يتعلم الطير و الحمام
كان الكلام
مابينا يطير الصحرا تبقي واحات
كانت الوجوه تتقابل بأجمل اللمحات
كان كلامنا يشتاقه ميت شحات
ال نفسه كلمه حلوه حنينه
وال نفسه نظره تحلي والف هات
كنت تقولها تطيب الدمعات
بذره هواك تترمي ف ارض بور
كانت تخضر كام قمر بدر بدور
اجري انا احاوطها بالف سور.
عالي من الدفا. واسمعها كلي يحن
نحل وحرفه عسل وليا بس يطن
كنت حسك قاري كتابي
فيه دروسي فيه حكايتي فيه حسابي
الله يسهلك
مش بلومك عدي وقت الحساب
الله يسهلك ومش مهم مين فينا ساب
مين حبه.شاخ ...وشعره علي سهوه شاب
مين تاه وف حل الفزورة خاب
والجواب... الله يسهلك
يا احلي بسمه وامنياتي ان تدوم
صاين لبسمه راسمتيها ع وشي يوم
بحر حنان وكنت انا فيه بعوم
كان ع شطوط
واقف هناك كام حاسد
يقول ف طلاسم ونقاط وخطوط
يفحت لبير واعر. ف الطريق محطوط
يرمي سهامه السم تعمل لكام موجه
تفرح عيونه لو شاف هناك هوجه
واهو صابنا. سهمه رماه ماخيبنا
ده مش عيبك ولا الطيبه تعيبنا
ودنيا واولها قولنا سلام
وآخرهاقولنا سلام لكن نصيبنا
الله يسهلك حافظ لهمسك للمسك لشمسك
وحتي ضلك ولو جوايا. الف آه
جوايا ليكي أجمل اماني بالحياه
ولو الزمن غدار وزارنا المرار
هاقول واعيد لحد ومايزهق التكرار
الله يسهلك..!!!
ليست هناك تعليقات:
إرسال تعليق