قصيدة /
حضنه كان زحمة
أساسا حضنه كان زحمة
لا فيه سكنى و عنوانى
وليه دايما بكون راضية
تضيع ويايا أحلامى
وليه أقبل أعيش بالنار
وأموت مسجونة بألامى
دا حبه فى قلبى جابلى القهر
وبين احضانه دوقت المر
ورغم الهجر ويا البعد
الاقى حنينى جوايا
بيتمنى دفا صوته
لمرة صارحنى بحنانه
ادور تانى فى الميادين
على همسة ..على بسمة
تشوفها عيونى من تانى
على نغمة حنين صافية
ترجع روحى وكيانى
أنا المرة دى مش هرجع
وخدت قرار...
أنا لأمتى راح أتحمل
وأعيش فى مرار..
راح أفتح للحياة سكة
وأبص بعينى على بكرة
وهحلم تانى بالحكايات
وهرفض تانى أعيش بالكاد
ومن يومى ..
راح ازرع جورى بطريقى
وهحصد شهده وحقيقى
هعيش فرحان بلا أحزان
انا قررت أعيش إنسان
أميرة_مهران
ليست هناك تعليقات:
إرسال تعليق